Захирамж, тушаал-Захирамж

Ажлын хэсэг байгуулах тухай

           Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 25 дугаар зүйлийн 25.1.6 дахь заалт, 66 дугаар зүйлийн 66.1 дэх хэсэг, Санхүүгийн зохицуулах хорооны даргын 2023 оны  03 дугаар сарын 13-ны өдрийн Мөнгөн зээлийн үйл ажиллагаа эрхлэх этгээдийн бүртгэл, үйл ажиллагааны 81 дүгээр тогтоол, Нийслэлийн Засаг даргын 2024 оны 01 дүгээр сарын 22-ны өдрийн Чиг үүрэг шилжүүлэх тухай А/87 дугаар захирамжийг тус тус үндэслэн ЗАХИРАМЖЛАХ нь:

           1.Дүүргийн нутаг дэвсгэрт барьцаалан зээлдүүлэх журмаар олгох мөнгөн зээлийн үйл ажиллагаа эрхлэх хуулийн этгээд, байнга ашиг олох зорилгоор мөнгөн зээлийн үйл ажиллагаа эрхлэх иргэдийг бүртгэлжүүлэх ажлыг зохион байгуулах чиг үүрэг бүхий ажлын хэсгийг дараах бүрэлдэхүүнтэй байгуулсугай.

             Ажлын хэсгийн дарга:            Засаг даргын орлогч

             Гишүүд:                                   Хууль, эрх зүйн  хэлтсийн дарга

                                                             Санхүү, төрийн сангийн хэлтсийн дарга

                                                             Хүнс, худалдаа, үйлчилгээний хэлтсийн дарга

                                                             Татварын хэлтсийн дарга 

                                                             Цагдаагийн газрын дарга

                                                             Статистикийн хэлтсийн дарга                 

            Нарийн бичгийн дарга:           Хүнс, худалдаа, үйлчилгээний хэлтсийн Үйлдвэрлэл   

                                                             инноваци, ахуйн үйлчилгээ хариуцсан мэргэжилтэн 

           2.Ажлын хэсгийн шийдвэрийг үндэслэн дүүргийн нутаг дэвсгэрт барьцаалан зээлдүүлэх журмаар олгох мөнгөн зээлийн үйл ажиллагаа эрхлэх хуулийн этгээд, байнга ашиг олох зорилгоор мөнгөн зээлийн үйл ажиллагаа эрхлэх шаардлага хангасан иргэдийг Санхүүгийн зохицуулах хорооны License.Frc.mn онлайн бүртгэлийн системд бүртгэж, гэрчилгээ олгохыг Хүнс, худалдаа, үйлчилгээний хэлтэс (Г.Амгалан)-т зөвшөөрсүгэй.

            3.Захирамжийн хэрэгжилтийг хангуулж, холбогдох хууль тогтоомжийн дагуу хяналт тавьж ажиллахыг Ажлын хэсэг (М.Алтангэрэл)-т үүрэг болгосугай.